JAGUAR

English mein khavat hai “Success is Best Revange” matlab saflata sabse achha badla hai, Aur iss khavat ke mayane wo insaan hi jaan sakata hai jo ki saflata ke har map-dand par kharaa utrane ki kabliat rakhata hai aur jiss ne apni har mushkil situation ko apni taqat bna kar use kiya ho. India ke safal Entrepreneur mein se ek Shri Ratan Tata par bhi ye baat  nisandeh laagu hoti hai.

Ek kahaani jo Ratan Tata ki mhanta ko byaan karati hai, Baat tab ki hai jab Ratan Tata samooh ne 1998 mein Tata Indica car market mein utaari thi, Par durbhagay se iss car ko market mein achha response nahi mila, tab kuchh karibi logo aur sajhedaro ne Ratan Tata ko apne car ke business mein hue nuksaan ki purti ke liye apna car business kisi aur company ko bechane ka sujhaav diya.

Jab ki car launch karane ka plan Ratan Tata ka khud ka tha , Aur uss se nuksaan hua tha to Ratan Tata ne ye sujhaav thik samjha. We apne team ko sath lekar company bechane ka proposer lekar ford company ke pass gaye Ford company America mein banane waali caron ka kender tha. 

Ford company aur Ratan Tata ki team ki meeting 3 ghante tak chali Company ke chairman Bill Ford ne Ratan Tata ke sath kuchh rukha vyavhaar kiya aur baton hi baton mein un se keh diya jab tumhe iss business ki knowledge nahi thi to iss car ko launch karne mein paisa kyun lagaya.

Hum Tumhaari company kharid kar tumhari bahut madad kar rahe hai, kai baar insaan apni safalta ki dhun mein kuchh aisi batein kar jata hai jo usse nahi karani chahiye. Meeting ke baad rattan Tata ne turant vapas loutane ka faisla kiya Pure rasate wo meeting ki baate soch kar khud ko apmanit feel kar rahe they, aur Ford ne jo kha wo hi baat unke jehan mein baar-baar ghoom rahi thi.

Shuruaati jhatake aur kuchh saalo ki mehnat ke baad Ratan Tata ka car buissness ek acche condition mein aa gya Aur bahut profit walla business saabit hua. Dusari taraf Ford market mein bahut buri condition mein thi. Ford company 2008 tak diwaaliya hone ke kagaar par thi tab Ratan Tata ne Ford ki luxury car Jaguar aur Land Rover ko kharidane ka proposal rakha aur badale mein Ford ko achha- khasaa dam dene ki peshkash ki.

Jab ki pehale hi Ford Jaguar aur Land rover ke karan nuksaan mein they tab unhone ye proposal maan liya. Meeting mein ye tai hua ki 9300 cr. Mein ye dono car Tata ke adhin ho gai hai.Tab Bill Ford ne ye kaha ki aap hamari company kharid kar hum par bahut aehsaan kar rahe hai.Ajj Jaguar aur Land Rover Tata samooh ka hisaa hai aur market mein profitable bhi hai. Iss baat se ye khaa ja sakta hai ki mahaan log chup reh kar bhi bari uplabhdhiyon ko hansil kar lete hai.

Ratan Tata agar chahate to ussi waqt meeting mein Bill Ford ko jawaab de sakte they par wo chup rahe Yahi mahaan logo ki nisaani hoti hai ki wo kabhi apne safalta ke nashe mein nahi rehate, Mahaan log apne gusse ko apne goals ko achieve karne ke liye use karte hai.

Thanks for Reading