Nick Vujicic

Hello Friends,

4 December 1980 ko Australia mein ek bache ka janam hua, Nick Vujicic ka ye baaki bacho ki tarah sawasth they but,unme ek kami thi wo phocomelia naam ke ek durlabh vikaar ke sath paida hue they jiss ke karan unke dono hath aur pair nahi they.

Unke mata-pita ko ye chinta sataane lagi ki nick ka jeevan kaisa hoga, ek bina hath pair walaa insaan iss duniya mein kaise reh payega bachpan ke shuruaati din bahut mushkil they nick ke jeevan mein kai tarah ki preshaniya aane lagi, 

Apni viklangta ke karan nick ko naa school mein hi balki baaki jagah bhi preshaniyon ka shikaar hona para,we iss karan dheere-dheere niraash hote ja rahe they.

God se hamesh yahi pray karate ki unhe haath-pair mil jaaye we apni viklangata se itne preshaan they ki 10 saal ki age mein unhone sucide attempt karane ki koshish ki, Phir unki maa ne unhe sambhala, aur unke dwaara nick ko ek lekh mila jisse padh kar unka jeevan ke prati nazariya hi badal gaya.

Ye lekh ek akhbaar mein tha kiss tarah ek viklang ne apni viklangta ko hraa kar mhaan uplabhdhiya hansil ki uss din unhe samajh aa gya ki keval wo akele nahi hai jo ki sanghrash kar rahe hai.

Nick samajh gaye ki agar wo chahe to apne jeevan ko normal tarike se jee sakate hai, Nick ne dheere-dheere pair se nikali kuchh ungliya aur kuchh upkarno ki madad se likhana aur Computer par type karna sikh liya, Aur 21 saal ki age mein accounting and finance mein graduation kar li , Aur ek prerk speaker ke roop mein apne carrier ki shuruaat kari.

“Attitude is Aattitude” Naam ki ek company bnai, Aur wo dheere-dheere puri duniya mein ek aise speaker ke roop mein pehchaane jaane lage jinka khud ka jeevan hi ek chamtkaar jaisa tha.

Unhone prerna aur positivity ka sandesh dene ke liye “Life without Limbs” naam ki ek sansatha bhi bnai hai.33 saal ki age mein Nick vujicic na sirf ek safal prerak speaker hai, sath hi wo har kaam karte hai jo ki ek normal insaan kar sakta hai.

Janam se hi hath pair na hone ke bawzood bhi wo footbaal khelte hai, swimming karte hai.sky diving karte hai.Aur is-se bhi jyadaa prabhavit karne waali baat hai unki apne jeevan ke prati khushi, aur shanti ki bhavna. Ajj wo duniya ko zindagi jeene ki bhi kalla sikha rahe hai, 

Nickne apne jeevan ko bhoutik seemaon mein na zakar kar apne jeevan par kaabu paya, Aur asha ke issi sandesh ke sath 44 se bi adhik desho ki yatra ki jahan hum chhoti-chhoti baton se hataash ho jaate hai,

Wahin nick jaise kuchh log har pal apne jeevan ko chunouti dete hai, aur saabit karate hai ki asambhav  kuchh bhi nahi koshish karne par sab kuch aasan ho jata hai.

Thanks For Read