Parents

Maa-Baap

Ek park mein ek aam ka per tha, uss per par roz ek bacha khelne aya karta tha. Wo kabhi uss per ki chhaon mein baith jataa kabhi uss ki daaliyon par chadh jataa to kabhi uss ke phal torta,

 aam ka per bhi bache se khuss hota tha, wo bacha roz atta aur yun hi khelta rehata..achanak ek din bacha uss per ke pass khelne nahi ayaa …

aur yun hi kaphi din beet gaye ..per roz usko yaad karta aur udaas ho jataa..ab per ko lagane laga ki wo bacha murkar uske pass nahi ayega, phir bhi wo uss ka intezar karta.

Ek din wo bacha phir uss per ke pass ayaa ab wo kuchh bara ho chuka tha, per uss ko dekh kar per bahut kush hua, aur use apne sath khelane ke liye kha, tab bache ne kha ki ab wo baraa ho gaya hai aur  wo uske sath nahi khel sakta aur ab muje khiloune ke sath khelana achha lagata hai.

par mere pass khilouna kharidane ke liye paise nahi hai, per bola ki tum udaas na ho.. tum mere phal tor kar le jaao aur inhe bech kar tumhaare pass paise aa jayenge.

Tum khilouna kharid lena, ladka phal tor kar le gaya aur phir wo kaphi din tak per ke pass nahi ayaa, iss karan per dukhi rehane laga, aur uss ka intezaar karna laga.

Achanak ek din phir wo bacha uss per ke pass ayaa aur ab wo jawaan ho chukka tha, per khush hua aur use apne sath khelane ke liye kaha, bache ne bola ki ab usse kuchh paise chahiye usse apne biwi bacho ke liye ghar banana hai,

 per bola ki meri shakhayein kaat kar le jao tumhe isse bech kar kuchh paise mill jayenge larke ne uss per ki shakhayein kaat li aur apne saath le gayaa aur phir kaphi din tak waapis nahi ayaa.

Ab kaphi dino baad wo per ke pass waapis aya ab wo budha ho chukka tha, per usse dekh phir khush hua aur use apne sath khelane ke liye kha.par per ne jab usse udaas payaa to uss se uski udaasi ka karan puchha ,

 tab budhe ne kha ki ab wo nahi khel skata kyonki ab wo budha ho chukka hai, ab usse thori jagah chahiye jhan wo apni baaki zindagi kaat sake tab per ne usse apne zar mein panaah diya..budha kuchh din wahi raha aur kuchh dino baad mar gaya.

Dosto ye per aur koi nahi hamaare mataa-pita hai aur wo bacha hum log hai. Hammare mataa pita hamaare liye itna kuchh karte hai ..hamaare har mushibat mein hamaare hath thamte hai hammari dekh-bhal karte hai. Khud mushibat jhel kar humein khush rakhate hai.

 Aur hum ulta hamesha unhe galat samjhate hai aur hamesha hum unke pass tabhi jaate hai jab humein iss bache ki tarah kuchh chahiye hota hai. Aur jab unko hamaari jaroorat hoti hai tab hum unhe chhor kar chale jaate hai.aur ek pal bhi unke bare mein nahi sochate aur bas apne bare mein sochate hai.

Kabhi unke bare mein nahi socha, jab jawwan hote hai tab bas ape hi ghamand mein rehate hai..aur unhe pagal smajhate hai..aur humein lagata hai ki unhe kuchh pata nahi jab ki ajj hum log jo kchh bhi hai bas unki hi badoulat hai.

 Aur unke bina hum kuchh nahi hai. Ajj log kai- kai ghante yun hi dosto, girl friend , movies aur yun hi barbaad kar dete hai.. but un ke pass thora bhi waqt nahi ki wo apne maa- baap ke saath guzaar sake.

Ye sab hamaare liye bahut sharm ki baat hai ki jisne hmaare liye itna kuchh kiya, hum usake liye kuchh nahi karte..i hope dosto ki app sab uss bache ki tarah nahi honge ki jab usse jaroorat hoti tab wo per ke pass pahunhch jataa aur baad mein bilkul bhul jataa hai.

Thanks for Read