CHHOR DE AB YE ADDAT

Ek adami apne bete ke buri adaton se bahut presaan tha, aur wo apne bete ko roz usse buri adaton ko chhorane ke liye kehata,

 par uska beta ye keh kar taal deta ki wo abhi itna chhota hai aur jab baraa hoga tab chhor dega, par uss adami ko pata tha ki agar usane ye adatein abhi nahi chhori to kabhi nahi chhor payega.

Aur jab wo barra hoga to usaki ye buri adatein bhi bari ho jayengi..un dino hi ek mahatma purush bhi unke gaon mein aaye the, jab logo ko unke mahanta ka patta laga to sabhi apni-apni pareshaniyon ka hal puchhane unake pass jaate hai,

 jab uss adami ko ptta lagaa to wo bhi apne larke ke liye jataa hai aur saari baat un se batata hai..tab wo guru ji usse agali subah apne bete ko lekar aane ko bolate hai.

Tab agali subah wo adami apne bete ke saath guru ji ke pass gaya tab guru ji uss larake ko apne saath lekar ekaant mein sair karane ke liye gaye, aur thori der chalane par uss larke ko ek chhota sa poudha dikhaate hua kahaa ki kya tum isse ukhaar sakate ho? 

Tab larake ne kaha kyun nahi, phir thori door jaane par ek aur thora bra poudha dikha kar kha ki kya isse ukhaar sakate ho..larke ne usse bhi ukhaar diya. Phir thori der baad yahi hua ,ab larake ko mazza aane lagaa tha.

Phir thori der baad ek aur chhota sa per ukhaarane ko kahaa..iss baar per thora mazboot tha…par thori der baad wo bhi ukhar gayaa.

 Phir thora aage chalne par guru ji ne usse ek per ki taraf isaara karte hue usse ukharane ke liye kaha, laraka josh mein koshish karane laga par per to hilane ka naam bhi nahi le raha tha larke ne kaphi parayaas kiya par wo nirash ho kar reh gyaa.

Tab guru ji ne usse samjhaya ki beta ye buri adatein bhi aisi hi hoti hai jab ye chhoti ho tabhi ukhaar kar phenk do..agar ye per ban gayaa to isse chhorna bahut mushkil hoga.

So friends samajhdaar ko ishaara hi kaphi hota hai..jo log kehate hai ki kal chhor denge-kal pakka chhor denge bas sochate hi reh jaate hai aur phir ye adatein itni bari ho jaati hai ki inhe chhorna mushkil ho jata hai,aur buri adatein kya hoti hai.. ye bataane ki jaroorat nahi hai..ye sab aapko pataa hai.

Thanks for Read