Life-3

Hello Friends,

Sorry ki main aaj bahut dino ke baad Post share kar raha hun, Iss post mein main koi kitaabi, ya kissi ke aur ke nahi bas aapke bare mein baat karane ja raha hun, bas app yun samajh lijiye ki aap khud se hi rubru hone jaa rahe hai,

Jab main School mein tha tabhi se diary likhane ka shokeen hun aur collage  mein bhi ye continue raha, aur bachpan se lekar main ab tak ye manta hun ki zindagi itni bhi complicated nahi hai jitni ki hamne bana rakhi hai, ye bahut saral aur sidhi hai,par ab ye hamaare jaane –anjaane kiye gaye kamon, hamaari adaton ke karan humein mushkil lagati hai.

Aaj collage khatam kiye mujhe 1.5 years ho chuke hai, aur mujhe ajj apni hi baat par vishwash nahi hota, par puri tarah nahi kyon ki main manta hun ki iss mein puri tarah se koi jimedaar hai to sirf main, aur mere decision aur koi nahi, maine bachapan se hi socha tha ki mujhe auron ki tarah race mein shaamil nahi hona hai.

Apne tution ke students ko main hamesha kehata tha ki apne ajj mein raho, beeta kal tumhaare hath mein nahi hai aur aane-walaa kal tum badal nahi sakate par agar Tumane apne ajj ko achi tarah sambhal liya to, tumhara kal khud-ba-khud sawar jayega, aur ye galat bhi nahi.

Sach Bataiye kya? App sab apne aaj mein jeete hai, yakinan nahi maximum ya to past ko lekar dukhi hote hai to maximum apne Future ko lekar dukhi hote hai, Aaj ko to bhul hi gaye hai.Shayad hi app mein se kuchh honge jo apne aaj mein rehate hai.

Maine hamesha tution ke bachon ko kuchh creative karane, ki seekh deni chahi , But pta hi nahi lagaa ki kab hum khud apni hi baton ko bhul gaye aur graduation khatam hone ke baad issi race mein aa shaamil hue, aur khud ke sapno ko khud ko hi bhul gaye wo kuchh karane ki chaah lagan sab kuchh khatam ho gya.

Company mein hum 10-12 Ghante kaam kar lete hai ,par jab apne sapno ke liye kaam karane ki baari aati hai to hum thak jaate hai, khud ke liye ab waqt hi nahi, pta nahi hum kab aur kaise itane chhote hogaye aur apni hi jarooraton mein ulajh gaye.

Continue…..